வெள்ளி பொருள்கள் எதுவாக இருந்தாலும் வீட்டிலேயே பளிச்சென்று சுத்தம் செய்யலாம்?
வெள்ளி பொருள்கள் பளிச்சென்று பளபளப்பாக இருந்தாலே கொள்ளை அழகுதான். ஆனால் அந்த பளபளப்பை வெளியி பாலிஷ் போட்டுதான்..
வீட்டில்
இருக்கும் பொருள்களை எப்போதும் பளிச்சென்று வைத்திருந்தாலே அதன் ஆயுள்
அதிகமாக இருக்கும். குறிப்பாக விலை அதிகமுள்ள பொருள்களை மேலும் பாதுகாப்பாக
வைத்திருந்தாலே தனி அழகு தான்.அந்த வகையில் வெள்ளி பொருள்களையும்
சொல்லலாம். வெள்ளி தட்டுகள், வெள்ளி பூஜை பொருள்கள், வெள்ளி நகைகள்
அனைத்துமே அவ்வபோது சுத்தமாக துடைக்க வேண்டும். இல்லையெனில் பளபளப்பாக
இருக்க வேண்டியவை கருமையாக மாறிவிடக்கூடும். அதை சுத்தமாக வைத்திருக்கவும்
பளபளப்பாக மாற்றவும் சில எளிய குறிப்புகளை பின்பற்றினாலே போதுமானது.
தற்போது எல்லோரும் வீட்டில் இருக்கும் நேரம் கிடைக்கும் நேரத்தில் இதை
சுத்தம் செய்ய கற்றுகொள்வோம்.
டூத் பேஸ்ட்
வெள்ளி நகைகள்
மீது டூத் பேஸ்டைத்தடவி 10 நிமிடங்கள் வைக்கவும். கொலுசுகளாக இருந்தால்
அதன் டிஸைன்களின் உள்ளே அதிகப்படியான கறை, கருப்பு படிந்திருக்கும் அந்த
இடத்திலும் கவனமாக டூத் பேஸ்டை தடவுங்கள். விரல்களால் அல்லாமல் பழைய டூத்
பிரஷ் கொண்டு நகைகளின் இண்டு இடுக்கு பகுதியில் தடவி பிறகு மென்மையாக
தேயுங்கள்.
மிக்ஸியை இப்படி வெச்சிருந்தா ரிப்பேர் ஆகி தொல்லை தராதாம்...
இதனால்
நகைகளில் படிந்திருக்கும் கறைகள் அழுக்குகள் நீங்கும். பிறகு
வெதுவெதுப்பான நீரில் நன்றாக சுத்தம் செய்து உலர்ந்த துணியில் துடைத்து
வையுங்கள். நகைகள் புதியது போன்று பளிச்சென்று மின்னும். செலவில்லாத வழி
இது.
கல் உப்பு
கல் உப்பு கொண்டு வெள்ளி பொருள்களை சுத்தம்
செய்யமுடியுமா என்கிறீர்களா? இப்போதே முயற்சி செய்து பாருங்கள் செலவில்லாத
முறை இது. வெள்ளி பொருள்கள், நகைகள் எதை சுத்தம் செய்கிறோமோ அவை நீரில்
மூழ்குமளவுக்கு பாத்திரத்தை எடுத்துகொள்ளுங்கள். அதிக சூடில்லாமல் மிதமான
அளவு வெந்நீரை எடுத்து கையளவு கல் உப்பு போட்டு கலந்து நகைகளை,
பாத்திரங்களை மூழ்க விடுங்கள்.
10 நிமிடங்கள் கழித்து அதை எடுத்து
பிரஷ்ஷை கொண்டு மென்மையாக தேய்த்து சுத்தமான நீரில் அலசி எடுங்கள்.
எளிமையான அதே நேரம் பொருளுக்கும் பாதிப்பில்லாத வழிமுறை இது.
ஷாம்பு அல்லது சோப்பு திரவம்
பேபி
ஷாம்புவுடன் சம அளவு தண்ணீர் கலந்து அதில் வெள்ளி நகைகளை ஊறவிடவேண்டும்.
அரை மணி நேரம் கழித்து அதை எடுத்து பிரஷ்ஷை கொண்டு தேய்த்தால் பளபளப்பாக
இருக்கும்.
துணி துவைக்கும் லிக்விட் இருந்தால் அதிகப்படியான
கறைகளையும் நீக்கிவிடமுடியும். அகல பாத்திரத்தில் கொலுசை போட்டு 3 டீஸ்பூன்
அளவு லிக்விட் விட்டு இலேசாக சூடேற்றுங்கள். சற்று சூடேறும் போதே ஒரு
டம்ளர் நீர் விட்டு கொதிக்கவிடுங்கள். சோப்பு திரவம் என்பதால் லிக்விட்
பொங்கி வரும். அதனால் அடுப்பை மிதமான தீயிலேயே வைத்திருங்கள். பிறகு
அடுப்பை அணைத்து நகையை எடுத்து பிரஷ்ஷைக் கொண்டு தேய்த்தால் வெள்ளி நகை
பாலீஷ் செய்தது போல் மினுமினுக்கும். அதிக நேரம் அடுப்பில் இருந்தால் அவை
நகைகளுக்கு சேதத்தை உண்டாக்கும் என்பதால் மிகுந்த கவனம் வேண்டும்.
அலுமினியத்தாள்
இவை
வெள்ளி பொருள்களை சேதாரமில்லாமல் சுத்தமாக்க கூடியது. அலுமினிய பேப்பர்
கடைகளில் கிடைக்கும். வெள்ளி பொருள்களான தட்டு, டம்ளர், கிண்ணங்கள், ஸ்பூன்
போன்றவற்றை இந்த முறையில் சுத்தம் செய்யலாம். பாலீஷ் போட்டது போன்று
பளிச்சென்று இருக்கும்.
வெள்ளி பொருள்கள் மூழ்குமளவு பெரிய
பாத்திரங்களை எடுத்து அதில் சுத்தமான தண்ணீர் விட்டு கொதிக்க விடுங்கள்.
அவை கொதித்ததும் அலுமினியபேப்பரை சற்று பெரிய துண்டுகளாக கிழித்து போட்டு,
உடன் ஒரு டீஸ்பூன் சமையல் சோடா சேர்க்கவும்.
பிறகு கருமை நிறத்தில்
இருக்கும் ஒவ்வொரு வெள்ளி பொருள்களையும் அதில் சேர்க்கவும். அடுப்பை
மிதமானத் தீயில் வைத்து 2 நிமிடங்கள் கழித்து அடுப்பை அணைக்கவும். இடுக்கி
கொண்டு ஒவ்வொரு பொருள்களையும் எடுத்து சுத்தம் செய்து உலர விடவும். இவை
புதிய பொருள்கள் போன்று பளிச் என்று மின்னவைக்கும்.
குறிப்பு
வெள்ளி
பொருள்கள், பாத்திரங்கள், நகைகள் என அனைத்துமே மேற்கண்ட இந்த நான்கு
முறைகளில் பளிச்சென்றும் பாலீஷ் போட்டபடியும் மின்மினுக்க தொடங்கும். இவை
எளிய முறையும் கூட. அதோடு வெள்ளி பொருள்கள் வைக்கும் முறையிலும் இதை
கடைபிடியுங்கள். நீண்ட நாள்கள் அவை கருமை படியாமல் பார்த்துகொள்ளலாம்.
வெள்ளி
நகைகள் வைக்கும் பெட்டியில் சிறிதளவு கற்பூரத்துண்டுகளை போட்டு வைத்தால்
நகைகள் கறுக்காமல் இருக்கும். வெறுமனே பெட்டியில் போடாமல் அதை சரிகை
பேப்பர் கொண்டு சுற்றி வைக்க வேண்டும். பெட்டியிலும் நேரடியாக வைக்காமல்
வெல்வெட் துணியை வைத்து அதன் மீது வைக்க வேண்டும்.இனிமேல் வெள்ளி
நகைகளுக்கு பாலீஷ் போட வெளியில் செல்ல வேண்டாம். வீட்டிலேயே பளிச்சென்று
வைக்க இந்த குறிப்புகள் உதவும்.
No comments:
Post a Comment